საქართველოს საელჩო თურქეთის რესპუბლიკაში

2025 წლის 27 ივნისს, თურქეთის ტრანსპორტისა და ინფრასტრუქტურის მინისტრის, აბდულქადირ ურალოღლუს მიწვევით, საქართველოს საგანგებო და სრულუფლებიანი ელჩი, არჩილ კალანდია მონაწილეობდა ქ.სტამბოლში მიმდინარე “Global Transport Connectivity Forum”-ში, სადაც,  გახსნის ცერემონიის დროს მიწვეულ სტუმრებს სიტყვით მიმართა, თურქეთის პრეზიდენტმა, რეჯეფ თაიფ ერდოღანმა. ელჩთან ერთად ღონისძიებაში მონაწილეობდა, ქ. სტამბოლში საქართველოს გენერალური კონსული, ალექსანდრე ჯიშკარიანი.

2025 წლის 23 ივნისს, თურქეთის რესპუბლიკაში საქართველოს საგანგებო და სრულუფლებიანმა ელჩმა, არჩილ კალანდიამ შეხვედრა გამართა თურქეთის ერთ-ერთი წამყვანი ანალიტიკური ორგანიზაციის „თურქეთის ეკონომიკური პოლიტიკის კვლევის ფონდის TEPAV“ საერთაშორისო კვლევების ცენტრის  დირექტორთან, ელჩთან, მურათ ერსავჯისთან.

საქართველოს პარლამენტის თავმჯდომარე შალვა პაპუაშვილი თურქეთის დიდი ეროვნული ასამბლეის თავმჯდომარეს, ნუმან ქურთულმუშს შეხვდა.

2025 წლის 12 ივნისს, თურქეთის რესპუბლიკაში საქართველოს საგანგებო და სრულუფლებიანმა ელჩმა, არჩილ კალანდიამ შეხვედრა გამართა ანალიტიკური ორგანიზაციის, „ ევრაზიის კვლევითი ცენტრის AVİM“ დირექტორთან, ელჩთან, ალევ ქილიჩთან.

2025 წლის 3 ივნისს, ქ. თბილისში, საქართველოსა და თურქეთის რესპუბლიკის საგარეო საქმეთა სამინისტროებს შორის მინისტრების მოადგილეების დონეზე პოლიტიკური კონსულტაციების მორიგი რაუნდი  გაიმართა. ქართულ დელეგაციას ხელმძღვანელობდა საქართველოს საგარეო საქმეთა მინისტრის მოადგილე ლაშა დარსალია, ხოლო თურქეთის დელეგაციას - თურქეთის რესპუბლიკის საგარეო საქმეთა მინისტრის მოადგილე ბერის ექინჯი.

2025 წლის 30 მაისს, ქ. ანკარაში საქართველოს საელჩოში, კავკასიის უნივერსიტეტის პრეზიდენტის, კახა შენგელიას წიგნის „ საქართველოს ისტორია“ პრეზენტაცია გაიმართა.