2026 წლის 29 ოქტომბერს, თურქეთის რესპუბლიკაში საქართველოს საგანგებო და სრულუფლებიანი ელჩი არჩილ კალანდია, პრეზიდენტ რეჯეფ თაიფ ერდოღანის მიწვევით, თურქეთის რესპუბლიკის დაარსებიდან 103-ე წლისთავისადმი მიძღვნილ საზეიმო მიღებას დაესწრო.
2026 წლის 21 ოქტომბერს, საქართველოს საგანგებო და სრულუფლებიანმა ელჩმა არჩილ კალანდიამ (რეზიდენციით ქ. ანკარა), ალჟირის სახალხო დემოკრატიული რესპუბლიკის პრეზიდენტს, აბდელმაჯიდ ტებუნს რწმუნებათა სიგელები გადასცა.
2026 წლის 20 ოქტომბერს, საქართველოს საგანგებო და სრულუფლებიანმა ელჩმა, არჩილ კალანდიამ რწმუნებათა სიგელების ასლები გადასცა ალჟირის სახალხო დემოკრატიული რესპუბლიკის საგარეო საქმეთა, საზღვარგარეთ მცხოვრები თანამემამულეებისა და აფრიკის საკითხთა მინისტრს, აჰმედ ატაფს.
2026 წლის 14 ოქტომბერს, თურქეთის რესპუბლიკაში საქართველოს საგანგებო და სრულუფლებიანი ელჩი არჩილ კალანდია, ქ. სტამბოლში დაესწრო აჭარის ავტონომიური რესპუბლიკის კულტურის მინისტრის, ცნობილი პიანისტის და UNESCO-ს მშვიდობის ელჩის, ელისო ბოლქვაძის კონცერტს, რომლითაც სახელმწიფო ოპერაში ( Sürreya Operası)მუსიკალური სეზონი გაიხსნა.
2026 წლის 1 ოქტომბერს, თურქეთის რესპუბლიკის დიდი ეროვნული ასამბლეის თავმჯდომარის, ნუმან ქურთულმუშის მიწვევით, საქართველოს საგანგებო და სრულუფლებიანმა ელჩმა არჩილ კალანდიამ, მონაწილეობა მიიღო თურქეთის საკანონმდებლო ორგანოს ახალი საშემოდგომო სესიის გახსნის ოფიციალურ ცერემონიაში.
სოხუმის დაცემის 33 წლისთავთან დაკავშირებით და აფხაზეთის ომში დაღუპულთა ხსოვნისადმი პატივის მიგების მიზნით, საქართველოს საგარეო საქმეთა სამინისტროსა და საქართველოს დიპლომატიური წარმომადგენლობების შენობებზე სახელმწიფო დროშები დაშვებულია.
