მისასალმებელი სიტყვა
მივესალმები თურქეთის რესპუბლიკაში საქართველოს საელჩოს ვებ-გვერდის ვიზიტორს!
საქართველოსთვის თურქეთი სტრატეგიული მოკავშირე და უმსხვილესი სავაჭრო პარტნიორი სახელწიფოა.
ჩვენ დიდად ვაფასებთ თურქეთის ურყევ მხარდაჭერას საქართველოს სუვერენიტეტისა და ტერიტორიული მთლიანობის მიმართ, ასევე, მის ჩართულობას შავი ზღვისა და სამხრეთ კავკასიის რეგიონში მშვიდობისა და სტაბილურობის უზრუნველყოფის საქმეში.
თურქეთთან ერთად, საქართველო ერთ-ერთი საკვანძო სახელმწიფოა ტრანსკასპიური ეკონომიკური დერეფნის ე.წ. “შუა დერეფნის“ სრულფასოვნად ფუნქციონირების კუთხით. დღევანდელ მსოფლიოში დიდი მნიშვნელობა ენიჭება, გლობალური მიწოდების ჯაჭვების გამართულად ფუნქციონირებას და დაკავშირებადობის პრინციპის ხელშეწყობას, ამ კონტექსტში თბილისსა და ანკარას განსაკუთრებული როლი აკისრია, როგორც რეგიონულ ასევე გლობალურ ჭრილში.
ორ ქვეყანას შორის თანამშრომლობა დინამიურად ვითარდება მრავალი მიმართულებით და დარწმუნებული ვარ, რომ ურთიერთპატივისცემის, თანასწორობისა და ურთიერთმომგებიანი პრინციპების გათვალისწინებით, ორმხრივი კავშირები კიდევ უფრო გაღრმავდება.
აღნიშნული ვებ-გვერდიდან დაინტერესებული პირები, მუდმივად განახლებად რეჟიმში მიიღებენ მრავალ საინტერესო ინფორმაციას.
პატივისცემით,
არჩილ კალანდია
თურქეთის რესპუბლიკაში
საქართველოს საგანგებო და სრულუფლებიანი ელჩი