საქართველოს ელჩმა შეხვედრა გამართა თურქეთის ანკარის ჰაჯეთთეფეს უნივერსიტეტის რექტორთან

შეხვედრაზე, მხარეთა მიერ, განხილულ იქნა აღნიშნულ უნივერსიტეტსა და ქართულ უნივერსიტეტებსა შორის მომავალი თანამშრომლობის პერსპექტივები, ერთობლივი საგანმანათლებლო და კულტურული პროექტების განხორციელების, ასევე, სამეცნიერო გაცვლითი პროგრამების ორგანიზებისა და ერთობლივი სემინარებისა და კონფერენციების ჩატარების შესაძლებლობები.

 

აღსანიშნავია, რომ 1954 წელს დაარსებული ანკარის ჰაჯეთთეფეს უნივერსიტეტის ბაზაზე, განათლებას იღებს 50 000 - მდე ადგილობრივი და უცხოელი სტუდენტი. ჰაჯეთთეფეს უნივერსიტეტი, მსოფლიოს მასშტაბით, აღიარებულია, როგორც რეგიონში ერთ-ერთი პრესტიჟული უმაღლესი სასწავლებელი, სადაც სტუდენტებს მაღალაკადემიური განათლების მიღების შესაძლებლობა ეძლევათ.