საქართველოს საელჩო  თურქეთის რესპუბლიკაში

2022 წლის 6 ივნისს, საქართველოს ელჩმა მონაწილეობა მიიღო თურქეთის რესპუბლიკის საგარეო საქმეთა მინისტრის სახელით გამართულ საზეიმო მიღებაში, რომელიც მიეძღვნა თურქეთსა და სხვა რამდენიმე ქვეყანას, მათ შორის, საქართველოს შორის დიპლომატიური ურთიერთობების დამყარება/აღდგენის 30 წლისთავს.

საქართველოს პარლამენტის დიასპორისა და კავკასიის საკითხთა კომიტეტის თავმჯდომარე, თურქეთის რესპუბლიკის პარლამენტთან მეგობრობის ჯგუფის ხელმძღვანელი ბექა ოდიშარია თურქ კოლეგებს, საქართველოს პარლამენტთან მეგობრობის ჯგუფის ხელმძღვანელს ჰალილ ეთიემეზის და მეგობრობის ჯგუფის წევრებს შეხვდა.

თურქული მხარის გადაწყვეტილებით, 2022 წლის 1 ივნისიდან თურქეთის რესპუბლიკაში საჰაერო, სახმელეთო და საზღვაო გზით შემომსვლელთათვის მოიხსნა “Covid-19” ვაქცინაციის სერტიფიკატის და/ან PCR ტესტის ნეგატიური პასუხის დამადასტურებელი დოკუმენტის წარდგენის ვალდებულება.

2022 წლის 31 მაისს, საქართველოს ელჩმა, გიორგი ჯანჯღავამ, შეხვედრა გამართა თურქეთის რესპუბლიკის საგარეო საქმეთა სამინისტროს ჩრდილოეთ აფრიკასა და ახლო აღმოსავლეთთან ორმხრივი პოლიტიკური ურთიერთობების დირექტორატის გენერალურ დირექტორთან, ელჩ ჯან დიზდართან.