ილია დარჩიაშვილმა მუსტაფა ქემალ ათათურქის საფლავი გვირგვინით შეამკო
საქართველოს საგარეო საქმეთა მინისტრი, ილია დარჩიაშვილი ოფიციალური ვიზიტით თურქეთის რესპუბლიკაში იმყოფება.
ოფიციალური შეხვედრების დაწყებამდე, საგარეო უწყების ხელმძღვანელი, მუსტაფა ქემალ ათათურქის მავზოლეუმს ეწვია და მისი საფლავი გვირგვინით შეამკო.
ილია დარჩიაშვილმა ხსოვნის წიგნში ჩანაწერი დატოვა.
აღსანიშნავია, რომ ვიზიტის ფარგლებში, საგარეო საქმეთა მინისტრი შეხვედრებს მართავს თურქ კოლეგასთან, ჰაქან ფიდანთან და თურქეთის რესპუბლიკის პარლამენტის თავმჯდომარესთან, ნუმან ქურთულმუშთან.