ვებ-გვერდი მუშაობს განახლების რეჟიმში
 
თურქეთის რესპუბლიკაში საქართველოს საგანგებო და სრულუფლებიანი ელჩი ბ-ნი ირაკლი კოპლატაძე

ბ-ნი ირაკლი კოპლატაძე თურქეთის რესპუბლიკაში საქართველოს საგანგებო და სრულუფლებიან ელჩად დაინიშნა 2013 წლის 18 ივლისს.

2010-2013 წლებში ის მუშაობდა საქართველოს საქმეთა დროებით რწმუნებულად ირლანდიაში, რომლის დროსაც გაიხსნა საქართველოს საელჩო დუბლინში. 2010 წელს ბ-ნი ი. კოპლატაძე დაინიშნა დიდ ბრიტანეთში საქართველოს საელჩოს წამყვან მრჩევლად; 2006-2010 წლებში კი იყო თურქეთის რესპუბლიკაში საქართველოს საელჩოს საგანგებო და სრულუფლებიანი დესპანი.

2004-2005 წლებში ბ-ნი ი. კოპლატაძე მუშაობდა საქართველოს საგარეო საქმეთა სამინისტროს საგანგებო დავალებათა ელჩის თანამდებობაზე, ხოლო 2004-2005 წლებში - საქართველოს ეროვნული უშიშროების საბჭოს ეკონომიკური უსაფრთხოების დეპარტამენტის უფროს მრჩეველად. 2000-2003 წლებში ის იყო სახელმწიფო სოციალური დაზღვევის ფონდის გენერალური დირექტორი, ხოლო 1996-2000 წლებში - მსოფლიო ბანკის პროექტის: „საქართველოს სოციალური ინვესტიციების ფონდის" აღმასრულებელი დირექტორი. 1994-1996 წლებში ის მუშაობდა პრეზიდენტის ადმინისტრაციაში მაკროეკონომიკის დეპარტამენტის ხელმძღვანელისა და საერთაშორისო დახმარების მაკოორდინირებელი სამსახურის მრჩევლის პოზიციებზე, 1993-94 წლებში - საქართველოს პარლამენტის აპარატში, ხოლო 1992-93 წლებში - საქართველოს ფინანსთა სამინისტროში.

ბ-ნი ირაკლი კოპლატაძე 1991-1996 წლებში ლექციებს კითხულობდა თბილისის სახელმწიფო უნივერსიტეტის საერთაშორისო სამართლისა და ურთიერთობების ფაკულტეტზე. ის არის რამდენიმე წიგნისა და სამეცნიერო ნაშრომის ავტორი. დამთავრებული აქვს თსუ ეკონომიკისა და საერთაშორისო ურთიერთობების ფაკულტეტები; სხვადასხვა დროს სწავლობდა და პროფესიულ კურსებს გადიოდა მელბურნის (ავსტრალია), კოლორადოს (აშშ), მოსკოვის (სსრკ), ვენის (ავსტრია) და ლონდონის (დიდი ბრიტანეთი) უნივერსიტეტებში. დამთავრებული აქვს თბილისის პირველი საშუალო სკოლა.

ბ-ნ ირაკლი კოპლატაძეს მინიჭებული აქვს საქართველოს საგანგებო და სრულუფლებიანი დესპანის დიპლომატიური რანგი. ფლობს ინგლისურ და რუსულ ენებს. ჰყავს მეუღლე და ორი ვაჟი.

 

 

 
 

ელჩის ბიოგრაფია

მისასალმებელი სიტყვა

დიასპორის სტრატეგია

 

 

საქართველო საერთაშორისო რეიტინგებში

 

 

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ