საიტზე მიმდინარეობს ტექნიკური სამუშაოები

ძვირფასო სტუმარო,

უპირველეს ყოვლისა მოგესალმებით და მადლობას მოგახსენებთ,ქ. ანკარაში საქართველოს საელჩოს ოფიციალურივებ-გვერდისადმი გამოხატული ინტერესისათვის.

მოხარული ვარ, რომ მაქვს პატივი, წარმოვადგენდე საქართველოს, საგანგებო და სრულუფლებიანი ელჩის რანგში, თურქეთის რესპუბლიკაში. ამასთან, ჩვენი საელჩო, ასევე, აკრედიტებულია ბოსნია და ჰერცეგოვინაში, ალბანეთის, სუდანის, მავრიტანიის ისლამურ და ალჟირის სახალხო დემოკრატიულ რესპუბლიკებში. ერთობლივი ძალისხმევით, ურთიერთობები ხსენებულქვეყნებთან დინამიურად ვითარდება. ჩამოყალიბებულია თანამშრომლობის ორმხრივი და მრავალმხრივი ფორმატები, პოლიტიკური, კულტურული და ეკონომიკური კავშირების გასაღრმავებლად.

აღსანიშნავია,რომ თურქეთის რესპუბლიკა იყო ერთ-ერთი პირველი, რომელმაც 1991 წლის 16 დეკემბერს, სცნო საქართველოს დამოუკიდებლობა. მალევე,საქართველოსა და თურქეთის რესპუბლიკას შორის ,,მეგობრობის, თანამშრომლობისა და კეთილმეზობლური ურთიერთობების შესახებ’’ ხელშეკრულებას მოეწერა ხელი და დაიწყო ორ ქვეყანას შორის მჭიდრო ურთიერთობების განვითარების უწყვეტი პროცესი.

აქვე, მსურს სიამაყით აღვნიშნო, რომ 2021 წლის თებერვალში შესრულდა ქართული დიპლომატიის ისტორიაში ერთ-ერთი მნიშვნელოვანი მოვლენის, ანკარაში საქართველოს პირველი დიპლომატიური წარმომადგენლობის გახსნის 100 წლისთავი. 1921 წლის 8 თებერვალს, საქართველოს დემოკრატიული რესპუბლიკის სახელით, სიმონ მდივანმა, პირველმა უცოხელმა ელჩმა, რწმუნებათა სიგელი გადასცა ანკარის (ანგორის) მთავრობის მეთაურს, თურქეთის ეროვნულ-განმათავისუფლებელი მოძრაობის გმირს, იმ პერიოდისთვის თურქეთის დიდი ეროვნული კრების თავმჯდომარეს მუსტაფა ქემალ ათათურქს.

ამ ღირსშესანიშნავი მოვლენის 100 წლისთავზე,საქართველო-თურქეთის კეთილმეზობლური ურთიერთობები, თვისებრივად ახალ საფეხურზეა. უპირველეს ყოვლისა, აღსანიშნავია, რომ თურქეთი, როგორც ჩვენი ქვეყნის სტრატეგიული მოკავშირე, ყველა საერთაშორისო პლატფორმაზე, არის საქართველოს ტერიტორიული მთლიანობისა და სუვერენიტეტის, ასევე, ქვეყნისევრო-ატლანტიკურიმისწრაფებებისმტკიცე მხარდამჭერი. ორი ქვეყნის ერთობლივი ძალისხმევით, უკვე განხორციელდა და იგეგმებაარაერთი მასშტაბური პროექტი ენერგეტიკის, ეკონომიკის, სავაჭრო, ელექტრონული კომუნიკაციების, სატრანსპორტო/სატრანზიტო, თავდაცვის, უსაფრთხოების, კულტურის, განათლებისა და სხვა სფეროებში.ამასთან, 2016 წელს, საქართველო-თურქეთის ურთიერთობებს სულ სხვა მასშტაბი შესძინა თანამშრომლობის ახალი ფორმატის - მაღალი დონის სტრატეგიული თანამშრომლობის საბჭოს დაფუძნებამ.

ორი სახელმწიფოს ნება, კიდევ უფრო გააღრმავოს და განამტკიცოს კეთილმეზობლური და სტრატეგიული ურთიერთობები, კვლავაც ურყევია. საქართველოსთვის უაღრესად მნიშვნელოვანია მეგობარ სახელმწიფოსთან,სტრატეგიულ მოკავშირესა და ერთ-ერთ საკვანძო სავაჭრო პარტნიორთან, თურქეთის რესპუბლიკასთან არსებული ურთიერთობების შემდგომი გაღრმავება და განმტკიცება.

ყოველივე ზემოაღნიშნულის გარდა, საელჩოს ყოველდღიური საქმიანობის განუყოფელი ნაწილი და ერთ-ერთი უმთავრესი პრიორიტეტიათურქეთის რესპუბლიკაში მყოფსაქართველოს მოქალაქეთა უფლებებისა და ინტერესების დაცვა.

ამასთან, საელჩო აგრძელებს აქტიურ კომუნიკაციასა და თანამშრომლობას ქართული წარმოშობის თურქეთის მოქალაქეებთან და დიასპორულ ორგანიზაციებთან, რომლებიც წარმოადგენენ ერთგვარ ხიდს, ორ ქვეყანას შორის არსებული მეგობრული და კეთილმეზობლური ურთიერთობების კიდევ უფრო განვითარების საქმეში.

ჩვენსმუდმივად განახლებად საელჩოს ოფიციალურ ვებ და სოციალური ქსელების გვერდებზე (Facebook / Twitter), გაეცნობით მასალებს ქ. ანკარაში საქართველოს საელჩოს საქმიანობის, ორმხრივი ურთიერთობების, ჩვენი ქვეყნის საგარეო პოლიტიკის, ეკონომიკისადა კულტურული ცხოვრების, აგრეთვე, ადგილსამყოფელ და გადაფარვის ქვეყნებში (ალბანეთი, ბოსნია და ჰერცეგოვინა, ალჟირი, სუდანი, მავრიტანია) მოქმედი სხვადასხვა რეგულაციისშესახებ. აქვე,აღმოაჩენთ ბევრ საინტერესო ინფორმაციას,საქართველოს ტურისტული თუსაინვესტიციო პოტენციალის შესახებ.

დასასრულს, კიდევ ერთხელ, მადლობას გიხდით ინტერესისათვის და გისურვებთ ჯანმრთელობას, წარმატებასა და კეთილდღეობას!

საუკეთესო სურვილებით,

 

გიორგი ჯანჯღავა

თურქეთის რესპუბლიკაში

საქართველოს საგანგებო და სრულუფლებიანი ელჩი